పెదకాకానిలో వరుస ఇళ్ల చోరీ కేసులు ఛేదింపు, ఇద్దరి అరెస్ట్
పెదకాకాని పోలీస్ స్టేషన్ పరిధిలోని లూథర్‌గిరి కాలనీలో జరిగిన వరుస ఇళ్ల దొంగతనం కేసులను పోలీసులు 24 గంటల్లో ఛేదించారు. ఎస్పీ ఆదేశాల మేరకు నార్త్ డీఎస్పీ ఆధ్వర్యంలో సీఐ, ఎస్‌ఐలు, సిబ్బంది సీసీ కెమెరాల దృశ్యాలు, సాంకేతిక ఆధారాలను విశ్లేషించి కూరపాటి సంతోష్ కుమార్, కూరపాటి సరితలను అరెస్ట్ చేశారు. మూడు కేసుల్లో చోరీకి గురైన బంగారు, వెండి ఆభరణాలను రికవరీ చేశారు. నిందితులు ముందుగా ఇళ్ల తాళాలు దొంగిలించి, ఇంట్లో ఎవరూ లేని సమయంలో అదే తాళాలతో ప్రవేశించి చోరీలకు పాల్పడినట్లు దర్యాప్తులో వెల్లడైంది.