గుండుమాల్‌, ధన్వాడలో ప్రజావాణికి స్పందన కొరవడింది
గుండుమాల్‌ రైతువేదికలో సోమవారం నిర్వహించిన ప్రజావాణి కార్యక్రమానికి స్పందన లభించలేదు. ఎటువంటి ఫిర్యాదులు రాలేదని ఎంపీడీవో వేణుగోపాల్‌రెడ్డి తెలిపారు. అధికారులు ప్రతీవారం కార్యక్రమానికి వచ్చి బయట కాలక్షేపం చేసి, ముగిసే ముందు కార్యాలయంలో సంతకాలు చేసి వెళ్లిపోతున్నారని గ్రామస్థులు పేర్కొన్నారు. ధన్వాడ పరిషత్‌ కార్యాలయంలో జరిగిన ప్రజావాణికి మండల స్థాయి అధికారులు కొందరు హాజరైనా ఒక్క ఫిర్యాదుదారుడూ రాలేదని ఎంపీడీవో షేక్‌ అఫ్జల్‌ చెప్పారు. ధన్వాడ తహసీల్‌ కార్యాలయానికి ఉదయం 10:49 దాటినా అధికారులు, సిబ్బంది రాలేదని ప్రజలు తెలిపారు.