జిల్లాలో గుడుంబా బట్టీలు: ఈ ఏడాది 1275 కేసులు
మహబూబాబాద్ జిల్లా గ్రామీణ ప్రాంతాల్లో గుడుంబా తయారీ కొనసాగుతోందని ఈనాడు కథనం. మరిపెడ మండలం రేఖ్యాతండాలో పోలీసులు 500 లీటర్ల బెల్లం పానకాన్ని ధ్వంసం చేసి, 20 లీటర్ల నాటుసారాను స్వాధీనం చేసుకుని నలుగురిపై కేసులు నమోదు చేశారు. సెప్టెంబరు 29న నర్సింహులపేట మండలంలో 2 వేల లీటర్ల బెల్లం వాష్, 40 లీటర్ల గుడుంబా పట్టుబడ్డాయి. పెద్దవంగరలో ఓ కిరాణా దుకాణంలో 325 కిలోల నల్లబెల్లం లభించింది. మహబూబాబాద్, తొర్రూరు, గూడూరు ఎస్‌హెచ్‌వోల పరిధిలో ఈ ఏడాది 1275 కేసులు, 1182 అరెస్టులు జరిగాయి.