నిర్మల్ జిల్లాలో 14 అడవి పందుల అక్రమ రవాణా పట్టివేత
నిర్మల్ జిల్లాలో అడవి పందుల అక్రమ రవాణాను అటవీ శాఖ అధికారులు అడ్డుకున్నారు. ఓ వాహనంలో తరలిస్తున్న 14 అడవి పందులను బాసర నుంచి ఛేజ్ చేసి నవీపేట్ సమీపంలో భైంసా రేంజ్ అధికారులు పట్టుకున్నారు. అధికారులను గమనించిన వాహనంలోని ముగ్గురు వ్యక్తులు వాహనాన్ని అక్కడే వదిలేసి పరారయ్యారు. నాందేడ్ నుంచి పందులను అక్రమంగా తరలిస్తున్నట్లు అధికారులు అనుమానిస్తున్నారు. వాహనంతో పాటు 14 పందులను స్వాధీనం చేసుకుని దర్యాప్తు ప్రారంభించారు. పరారైన ముగ్గురి కోసం గాలింపు కొనసాగుతోంది.