వేములవాడ సంస్కృత పాఠశాలలో ముందస్తు బతుకమ్మ వేడుకలు
వేములవాడ శ్రీరాజరాజేశ్వర సంస్కృత పాఠశాలలో ముందస్తు బతుకమ్మ వేడుకలు జరిగాయి. ఆలయ ఈవో ఎల్. రమాదేవి ముఖ్య అతిథిగా హాజరై విద్యార్థులు, ఉపాధ్యాయులతో కలిసి బతుకమ్మ ఆడారు. విద్యార్థినులు పూలతో బతుకమ్మలు పేర్చి పాటలు పాడగా, బాలురు కోలాటం, దాండియా చేశారు. బతుకమ్మ తెలంగాణ సంస్కృతికి ప్రతీక అని, ప్రజల ప్రకృతి అనుబంధాన్ని చాటుతుందని రమాదేవి అన్నారు. అనంతరం బతుకమ్మను తలపై ఎత్తుకుని నిమజ్జనం చేశారు. పర్యవేక్షకులు వెంకటలక్ష్మి, పూజిత, ప్రిన్సిపాల్, ఉపాధ్యాయులు పాల్గొన్నారు.