ఢిల్లీలో ఇండియా మొబైల్ కాంగ్రెస్ 10వ ఎడిషన్ ప్రారంభం
ఇండియా మొబైల్ కాంగ్రెస్ 10వ ఎడిషన్ ఢిల్లీలోని యశోభూమి కన్వెన్షన్ సెంటర్‌లో నేటి నుంచి అక్టోబర్ 10 వరకు జరుగుతుంది. 6జీ, ఆర్టిఫిషియల్ ఇంటెలిజెన్స్, శాటిలైట్ కమ్యూనికేషన్, సైబర్ సెక్యూరిటీ రంగాల్లో అధునాతన సాంకేతికతపై దృష్టి ఉంటుంది. ఈ ఏడాది థీమ్ 'స్కేల్ వితౌట్ బౌండరీస్'. 100 దేశాల నుంచి 1.5 లక్షల మందికి పైగా హాజరవుతారని, 500 స్టార్టప్‌లతో కలిపి 400కు పైగా కంపెనీలు తమ ఆవిష్కరణలను ప్రదర్శిస్తాయని తెలిపారు. కార్యక్రమం సృష్టి, సంవర్ధన్, సశక్త్, సురక్ష అనే నాలుగు విభాగాలుగా విభజించారు.