సీనియర్ సిటిజన్లకు ఉచిత బస్ పాసులపై తెలంగాణ ప్రభుత్వం పరిశీలన
మహిళలతోపాటు సీనియర్ సిటిజన్లకూ ఉచిత బస్సు ప్రయాణ సౌకర్యం కల్పించే అంశాన్ని తెలంగాణ ప్రభుత్వం పరిశీలిస్తోంది. హైదరాబాద్ రవీంద్ర భారతిలో గురువారం ప్రపంచ వయోవృద్ధుల దినోత్సవ కార్యక్రమంలో మంత్రులు పొన్నం ప్రభాకర్, అడ్లూరి లక్ష్మణ్ పాల్గొన్నారు. వీలైనంత త్వరగా ఉచిత బస్ పాసులు అందుబాటులోకి తెచ్చే అంశాన్ని పరిశీలిస్తున్నామని పొన్నం తెలిపారు. అర్హతలు, స్కీమ్ నిబంధనలు ఖరారు కావాల్సి ఉంది. అమలైతే 60 ఏళ్లు పైబడిన మహిళలు, పురుషులు ఉచితంగా ప్రయాణించవచ్చు. ప్రస్తుతం ఆధార్ కార్డు ఉన్న మహిళలకు ఉచిత ప్రయాణం అమలవుతోంది.