హైదరాబాద్‌లో అక్టోబర్ 9 నుంచి సెలబ్రిటీ దాండియా నైట్స్
హైదరాబాద్‌లో నవరాత్రి వేడుకలు ప్రారంభం కానున్నాయి. హైదరాబాద్ మోడల్స్, రాఘవి మీడియా ఆధ్వర్యంలో నిర్వహిస్తున్న 10వ సీజన్ సెలబ్రిటీ దాండియా నైట్స్ 2026 అక్టోబర్ 9 నుంచి 20వ తేదీ వరకు ఫైనాన్షియల్ డిస్ట్రిక్ట్‌లోని ఐఎస్‌బీ రోడ్‌లో ఉన్న ఫ్లిప్‌సైడ్ అడ్వెంచర్ పార్క్ వేదికగా జరగనుంది. 12 రోజుల పాటు జరిగే ఈ వేడుకల్లో సంప్రదాయ దాండియా, సంగీతం, నృత్యం, వినోదం ప్రత్యేక ఆకర్షణగా నిలవనున్నాయి. కుటుంబాలు, యువత, సెలబ్రిటీలు, ఇన్‌ఫ్లూయెన్సర్లు, ఫ్యాషన్ మోడల్స్, వినోద రంగ ప్రముఖులు పాల్గొననున్నారు.