ఎంపీ మిథున్ రెడ్డిని మర్యాదపూర్వకంగా కలిసిన కిషోర్ రెడ్డి
మదనపల్లెలోని వైసీపీ పార్టీ కార్యాలయంలో రాజంపేట ఎంపీ మిథున్ రెడ్డిని వైసీపీ రాష్ట్ర యూత్ జాయింట్ సెక్రటరీ కిషోర్ రెడ్డి మర్యాదపూర్వకంగా కలిశారు. తంబళ్లపల్లి నియోజకవర్గంలోని సమస్యలు, పార్టీ బలోపేతం, రాబోయే స్థానిక సంస్థల ఎన్నికలపై చర్చించారు. నియోజకవర్గ ప్రజల సమస్యలను ఎంపీ దృష్టికి తీసుకెళ్లినట్లు కిషోర్ రెడ్డి తెలిపారు. ఎన్నికల్లో పార్టీ విజయానికి అనుసరించాల్సిన వ్యూహాలు, నాయకులు, కార్యకర్తల సమన్వయంపైనా చర్చ జరిగిందన్నారు. ఎమ్మెల్యే ద్వారకనాథరెడ్డి ఆధ్వర్యంలో నియోజకవర్గాన్ని మరింత బలోపేతం చేస్తామని చెప్పారు.