కేబీఆర్‌ పార్కు చుట్టూ శాశ్వత వన్‌వే, 4.3 కి.మీ. ఎలివేటెడ్‌ కారిడార్‌
జూబ్లీహిల్స్‌ చెక్‌పోస్టు నుంచి ఎన్‌ఎఫ్‌సీఎల్‌ కూడలి వరకు 4.3 కి.మీ. ఆరు లైన్ల ఎలివేటెడ్‌ కారిడార్‌ నిర్మించనున్నట్టు జీహెచ్‌ఎంసీ కమిషనర్‌ ఆర్‌.వి.కర్ణన్‌ తెలిపారు. ఇది పూర్తయితే ఐదు ప్రధాన కూడళ్లలో సిగ్నళ్లు లేకుండా రాకపోకలు సాగుతాయి. కేబీఆర్‌ పార్కు చుట్టూ హెచ్‌-సిటీ పనులు రద్దు చేసి వన్‌వే విధానం శాశ్వతంగా అమలు చేస్తామన్నారు. ఈపీసీ విధానంలో రెండు ప్యాకేజీలుగా రూ.580 కోట్లు, రూ.510 కోట్లతో మొత్తం రూ.1,090 కోట్ల వ్యయంతో చేపడతారు. రూ.1,200 కోట్ల ప్రజాధనం ఆదా అవుతుందని అధికారుల అంచనా.