పండుగ సీజన్‌కు ముందు 120కి పైగా నగరాలకు అమెజాన్ నౌ విస్తరణ
అమెజాన్ తన అల్ట్రా-ఫాస్ట్ డెలివరీ సేవ అమెజాన్ నౌను భారతదేశంలో 120కి పైగా నగరాలకు విస్తరించింది. రెండు వారాల్లో సేవల పరిధి రెట్టింపైందని, అమృత్‌సర్, జలంధర్, అంబాలా, మంగళూరు, విశాఖపట్నం, కొచ్చి, భువనేశ్వర్ వంటి నగరాల్లో ఇది అందుబాటులో ఉందని సంస్థ శుక్రవారం ప్రకటించింది. సుమారు 800 మైక్రో, అర్బన్ ఫుల్‌ఫిల్‌మెంట్ కేంద్రాల ద్వారా ఆర్డర్లు పూర్తవుతాయి. సెప్టెంబర్‌లో ఈ విభాగం వార్షిక స్థూల అమ్మకాలు 100 కోట్ల డాలర్లు దాటాయని తెలిపింది. 300కి పైగా నగరాలకు విస్తరించాలని లక్ష్యంగా పెట్టుకుంది.