'స్త్రీశక్తి' 100 కోట్ల ఉచిత ప్రయాణాలు దాటిందన్న సీఎం చంద్రబాబు
ఆంధ్రప్రదేశ్‌లో 'స్త్రీశక్తి' పథకం 100 కోట్లకు పైగా ఉచిత ప్రయాణాలు పూర్తి చేసుకుందని ముఖ్యమంత్రి నారా చంద్రబాబు నాయుడు ఎక్స్ వేదికగా పేర్కొన్నారు. గత ఏడాది ఆగస్టు 15న ప్రారంభమైన ఈ పథకాన్ని రోజుకు సగటున 24 లక్షల మంది మహిళలు వినియోగించుకుంటున్నారని చెప్పారు. ఇప్పటివరకు మహిళలు రూ.3,550 కోట్లు ఆదా చేసుకున్నారని వివరించారు. విద్యార్థినులు, ఉద్యోగినులు, ఉపాధి కోసం ప్రయాణించే మహిళలకు ఇది భరోసా ఇస్తోందని, ఆర్టీసీ యాజమాన్యానికి, సిబ్బందికి అభినందనలు తెలిపారు.