ముంబై ఫిల్మ్ సిటీలో ‘రామాయణ’ సెట్‌లో అగ్ని ప్రమాదం
రణ్‌బీర్ కపూర్, సాయిపల్లవి నటిస్తున్న ‘రామాయణ’ చిత్రం షూటింగ్ జరుగుతున్న ముంబై గోరేగావ్ ఫిల్మ్ సిటీలో సోమవారం (అక్టోబర్ 05) సాయంత్రం అగ్ని ప్రమాదం సంభవించింది. ప్రైమ్ ఫోకస్ స్టూడియో వెనుక సుమారు వంద అడుగుల తాత్కాలిక సెట్‌లోని పీసీఆర్ యూనిట్‌లో మంటలు చెలరేగాయని, వైరింగ్, కేబుల్స్, ఏసీ యూనిట్లు, సౌండ్ సిస్టమ్స్, షూటింగ్ పరికరాలు దగ్ధమయ్యాయని సమాచారం. ఫైర్ సిబ్బంది, పోలీసులు, బీఎంసీ, 108 సిబ్బంది చేరుకుని మంటలను అదుపులోకి తెచ్చారు. ప్రాణనష్టం లేదని ఫైర్ సేఫ్టీ అధికారులు తెలిపారు. సమీప సెట్లలో షూటింగ్‌ను నిలిపివేశారు.