రాపాక ఇంటి వద్ద రోడ్డు భూమి స్వాధీనానికి కలెక్టర్ ఆదేశం
రాజోలు మాజీ ఎమ్మెల్యే, వైఎస్సార్‌సీపీ నేత రాపాక వరప్రసాదరావు ఇంటి ఆవరణలో నిర్మించిన సీసీ రోడ్డు వ్యవహారంలో డాక్టర్ బీఆర్ అంబేద్కర్ కోనసీమ జిల్లా కలెక్టర్ ఆదేశాలు జారీ చేశారు. రోడ్డు నిర్మించిన 9 సెంట్ల స్థలాన్ని స్వాధీనం చేసుకుని పంచాయతీ పేరిట రిజిస్ట్రేషన్ చేయాలని, రాకపోకలకు అడ్డుగా ఉన్న గేటు తొలగించాలని కేంద్రం ఆదేశించిందని జిల్లా పంచాయతీ అధికారికి సూచించారు. 2019-20లో అప్పటి అమలాపురం ఎంపీ చింతా అనురాధ ఎంపీ ల్యాడ్స్ నిధుల నుంచి రూ.12 లక్షలు కేటాయించారని, జనసేన నేత వెంకటపతిరాజు ఫిర్యాదుతో వివాదం మొదలైంది.