యాదాద్రి థర్మల్ ప్లాంట్ యూనిట్-3లో అగ్నిప్రమాదం, ప్రాణనష్టం లేదు
నల్గొండ జిల్లా దామరచర్లలో నిర్మాణ దశలో ఉన్న యాదాద్రి అల్ట్రా మెగా థర్మల్ పవర్ స్టేషన్ యూనిట్-3లో ఆదివారం అగ్నిప్రమాదం సంభవించింది. టర్బైన్ డ్రైవెన్ బాయిలర్ ఫీడ్ పంప్ ఏరియాలో లూబ్రికేషన్ ఆయిల్ లీకేజీయే కారణమని అధికారులు ప్రాథమికంగా అంచనా వేశారు. మంటల్లో కంట్రోల్ కేబుళ్లు, కొన్ని కీలక వాల్వ్‌లు దగ్ధమయ్యాయి. సిబ్బంది, అగ్నిమాపక యంత్రాలతో మంటలను అదుపులోకి తెచ్చారు. బాయిలర్లు, మెయిన్ టర్బైన్లకు నష్టం జరగలేదు, ఎవరికీ గాయాలు కాలేదు. తెలంగాణ జెన్‌కో అధికారులు ప్రమాద స్థలాన్ని పరిశీలించి అంతర్గత విచారణకు ఆదేశించారు.