ఎల్‌నినో ప్రభావం: నెల్లూరు జిల్లాలో వరి దిగుబడి తగ్గుదల
నెల్లూరు జిల్లాలో ఎడగారు వరి దిగుబడులు ఎల్‌నినో ప్రభావంతో తగ్గాయి. 3.5 లక్షల ఎకరాలకు నీటి కేటాయింపులు జరిగినా రైతులు మూడు లక్షల ఎకరాల్లోనే సాగు చేశారు. ఎకరాకు సాగు వ్యయం గతేడాది రూ.36 వేల నుంచి ఈసారి రూ.41 వేలకు పెరిగింది. కేఎన్‌ఎం 1638, కేఎన్‌ఎం 733 ధర పుట్టికి రూ.27-29 వేలు ఉండటంతో ఎకరాకు నాలుగు పుట్ల దిగుబడి ఆశించారు. సంగం మండలం తరుణవాయిలో రైతు పి.రవీంద్రబాబుకు ఎకరాకు ఆరు నుంచి ఏడు బస్తాలు తగ్గింది. ఎండల తీవ్రతతో కంకుల్లో నాణ్యత తగ్గిందని జిల్లా వ్యవసాయ అధికారిణి సత్యవాణి తెలిపారు.