హీరోయిన్ ఓరియెంటెడ్ సినిమా అనే హేళన ఎదుర్కొన్నానన్న గుణశేఖర్
రుద్రమదేవి సినిమా నిర్మాణంలో ఎదురైన సవాళ్లపై దర్శకుడు గుణశేఖర్ ఒక ఇంటర్వ్యూలో మాట్లాడారు. అసిస్టెంట్ డైరెక్టర్‌గా ఉన్నప్పుడే ఈ కథ అనుకున్నానని, ఒక్కడు బ్లాక్ బస్టర్ తర్వాత దక్షిణ భారతంలో ఏ దర్శకుడికీ లేని స్థాయిలో రెమ్యునరేషన్ ఆఫర్ వచ్చిందని చెప్పారు. హీరోయిన్ ఓరియెంటెడ్ కథ కావడంతో నిర్మాతలు హేళన చేసి, స్టార్ హీరోతో భారీ సినిమా చేయమని సూచించారని తెలిపారు. సొగసు చూడ తరమా హిట్ తర్వాత బాల రామాయణం ఆలోచనను కూడా రిస్క్ అన్నారని, ఆ సినిమా వల్లే చిరంజీవితో చూడాలని ఉంది చేసే అవకాశం వచ్చిందని గుర్తు చేసుకున్నారు.