కాకినాడలో 'స్కిల్స్, స్టార్టప్, భారత్ హబ్'కు శంకుస్థాపన
కాకినాడ జిల్లా యువతకు శిక్షణ, ఉపాధి, స్వయం ఉపాధి అవకాశాలు కల్పించేందుకు 'స్కిల్స్, స్టార్టప్, భారత్ హబ్' ఏర్పాటు చేస్తున్నట్టు రాజ్యసభ ఎంపీ సానా సతీష్ బాబు సోమవారం ప్రకటించారు. ప్రభుత్వ ఐటీఐ ప్రాంగణంలో దీనికి శంకుస్థాపన చేశారు. రూ.15-20 కోట్ల అంచనా వ్యయంతో చేపట్టే ఈ ప్రాజెక్టు మొదటి దశకు రూ.5.30 కోట్లు ఖర్చవుతుంది. జిల్లాలో ఏటా 20,000 మంది కోర్సులు పూర్తి చేస్తున్న నేపథ్యంలో, ఏటా 1,000 మందికి శిక్షణ, 100 మంది వ్యాపారవేత్తల తయారీ తక్షణ లక్ష్యం. దివీస్, అరబిందో ఫార్మా, ఏఎం గ్రీన్, కోరమండల్ ఫెర్టిలైజర్స్‌తో చర్చలు జరుగుతున్నాయి.