చిన్నచింతకుంటలో అల్పాహార పథకాన్ని ప్రారంభించిన ఎమ్మెల్యే
విద్యార్థులు అర్ధాకలితో ఉండకూడదనే లక్ష్యంతో కాంగ్రెస్ ప్రభుత్వం పాఠశాలల్లో అల్పాహార పథకాన్ని ప్రారంభించిందని ఎమ్మెల్యే మధుసూదన్ రెడ్డి తెలిపారు. చిన్నచింతకుంట మండల కేంద్రంలోని జిల్లా పరిషత్ ఉన్నత పాఠశాలలో ఆయన ఈ పథకాన్ని ప్రారంభించి, విద్యార్థులతో కలిసి అల్పాహారం చేశారు. అనంతరం ప్రభుత్వ జూనియర్ కళాశాలను పరిశీలించి, విద్యార్థుల సమస్యలను తెలుసుకున్నారు. ఖాళీగా ఉన్న కామర్స్ అధ్యాపక పోస్టును భర్తీ చేయాలని విద్యార్థులు కోరగా, తక్షణమే డీఈఓతో మాట్లాడి అధ్యాపకుడిని నియమించాలని అధికారులను ఆదేశించారు.