రీల్స్ వద్దని భర్త వారించడంతో వివాహిత ఆత్మహత్య
సోషల్ మీడియాలో రీల్స్ చేయవద్దని భర్త వారించడంతో మనస్తాపానికి గురైన ఓ వివాహిత సిద్దిపేట జిల్లా గజ్వేల్ పట్టణంలో ఆత్మహత్య చేసుకుంది. పోలీసులు, స్థానికుల వివరాల ప్రకారం తేజస్విని (35)కి జగదేవపూర్ మండలం తీగుల్‌కు చెందిన గోపాల్‌రెడ్డితో 11 ఏళ్ల క్రితం వివాహమైంది. వీరికి ఇద్దరు పిల్లలు. గోపాల్‌రెడ్డి హైదరాబాద్‌లోని నార్కోటిక్స్ విభాగంలో హోంగార్డుగా పనిచేస్తున్నారు. కుటుంబం గజ్వేల్‌లోని లక్ష్మీప్రసన్ననగర్ కాలనీలో నివాసం ఉంటోంది. యూట్యూబ్ ఛానల్, రీల్స్ విషయంలో దంపతుల మధ్య తరచూ గొడవలు జరిగాయి. పోలీసులు కేసు నమోదు చేసి దర్యాప్తు చేస్తున్నారు.