డిజిటల్ క్రాప్ సర్వేలో చివరి స్థానంలో భూపాలపల్లి జిల్లా
జయశంకర్ భూపాలపల్లి జిల్లా డిజిటల్ క్రాప్ సర్వేలో వెనుకబడింది. సెప్టెంబర్ 30తో గడువు ముగిసినా జిల్లాలో 52 శాతం సర్వే మాత్రమే పూర్తయింది. ములుగు 58.5 శాతం, జనగామ 62.7 శాతం, వరంగల్ 65.3 శాతం, మహబూబాబాద్ 79.8 శాతం, హనుమకొండ 81.9 శాతంతో ముందంజలో ఉన్నాయి. పర్యవేక్షణ లోపమే ఇందుకు కారణమని తెలుస్తోంది. సర్వే పూర్తి కాకపోతే రైతులకు ప్రభుత్వ పథకాలు అందక ఇబ్బందులు తలెత్తే అవకాశం ఉందని చెబుతున్నారు.