బోగస్ సర్టిఫికెట్ల ఆరోపణలు: గజ్వేల్ లెక్చరర్ డిస్మిస్
సిద్దిపేట జిల్లా గజ్వేల్ ప్రభుత్వ బాలుర జూనియర్ కళాశాలలో ఈసీటీ లెక్చరర్‌గా పనిచేస్తున్న ఎండీ అషరఫ్ హుస్సేన్‌ను ఈ నెల 1వ తేదీన కమిషనర్ ఆదేశాల మేరకు ఉద్యోగం నుంచి డిస్మిస్ చేశారని కళాశాల ప్రిన్సిపల్ తెలిపారు. విద్యార్హతలపై అనుమానాలు రావడంతో అధికారులు రెండు నోటీసులు జారీ చేసి విచారణ చేపట్టారు. ఆయన సమర్పించిన సర్టిఫికెట్లు బోగస్‌గా నిర్ధారణ అయినట్లు సమాచారం. సుమారు మూడేళ్లు ఆయన పనిచేశారు. మాజీ లెక్చరర్‌ను కళాశాల ప్రాంగణంలోకి అనుమతించవద్దని జిల్లా విద్యాశాఖ అధికారి రవీందర్ రెడ్డి ఆదేశించారు.