టీడీపీ ఆఫీసు దాడి కేసు: రౌడీ షీట్ల ఉత్తర్వులు నిలుపుదల
2021లో విజయవాడలో టీడీపీ కార్యాలయంపై జరిగిన దాడి కేసులో పాల్గొన్నవారిపై రౌడీ షీట్లు తెరవాలని ఎన్టీఆర్ జిల్లా పోలీస్ కమిషనర్ రాజశేఖర్ బాబు గత నెల 22న కమిషనరేట్ పరిధిలోని అన్ని స్టేషన్లకు ఉత్తర్వులు జారీ చేశారు. ఈ నెల 29న ఆ ఉత్తర్వులను నిలుపుదల చేస్తూ సర్క్యులర్ పంపారు. ఆదేశాలపై వైసీపీ నేతలు ఆగ్రహం వ్యక్తం చేసి, వేధింపులు జరుగుతున్నాయని హైకోర్టును ఆశ్రయించినట్లు తెలుస్తోంది. న్యాయవాదులు ఆందోళన చేస్తున్నారు. ఈ అంశంపై హైకోర్టులో నేడు విచారణ జరగనుంది.