శ్రీకాకుళం జిల్లాలో మొగలి సాగు; లీటర్ ఆయిల్ రూ.2.50 లక్షలు
శ్రీకాకుళం జిల్లాలోని పలు మండలాల్లో సుమారు 6 వేల హెక్టార్లలో రైతులు మొగలి సాగు చేస్తున్నారు. ఒక్కో చెట్టు నుంచి ఏడాదిలో నాలుగు నెలల పాటు వెయ్యి పూల వరకు వస్తాయని, పువ్వును రూ.14 నుంచి రూ.16 వరకు విక్రయిస్తున్నారని సమాచారం. జులై నుంచి అక్టోబరు వరకు డిమాండ్ ఉంటుంది. జిల్లాలోని పరిశ్రమలు ఈ పూల నుంచి తీసే ఆయిల్ సీజన్‌ను బట్టి లీటర్‌కు రూ.2.50 లక్షల నుంచి రూ.4 లక్షల వరకు పలుకుతోంది. లీటర్‌కు 20 వేల పువ్వులు అవసరం. చైనా, రష్యా, అమెరికాకు ఎగుమతి చేస్తున్నారు. రాయితీ కల్పించాలని రైతులు కోరుతున్నారు.