అనకాపల్లి జిల్లాలో వాటర్ ట్యాంక్ ఎక్కి మహిళల నిరసన
అనకాపల్లి జిల్లా రోలుగుంట మండలం కే.నాయుడుపాలెం పంచాయతీలోని అంట్లపాలెం గ్రామంలో దళిత, గిరిజన మహిళలు వాటర్ ట్యాంక్ ఎక్కి నిరసన తెలిపారు. భూగర్భ జలాలు ఫ్లోరైడ్ బారిన పడటంతో కీళ్ల నొప్పులు, దీర్ఘకాలిక రోగాలు వస్తున్నాయని వారు వాపోయారు. గ్రామంలో 200 కుటుంబాలు ఉండగా, ప్రత్యేక కాలనీలో 40 ఎస్సీ, ఎస్టీ కుటుంబాల్లో 150 మంది ఉన్నారు. మూడేళ్ల క్రితం రూ.22 లక్షలతో 20,000 లీటర్ల ట్యాంకు నిర్మించారని, జానకిరాంపురం వద్ద వరాహ నది జలాలను అనుసంధానించాలని డిమాండ్ చేశారు. ఉప ముఖ్యమంత్రికి విజ్ఞప్తి చేశారు.