పాలమూరు కాంగ్రెస్‌లో టికెట్ల రగడ.. నేతల వలసలు
ఉమ్మడి మహబూబ్‌నగర్‌ జిల్లాలో కాంగ్రెస్‌ రెండో జాబితా అసమ్మతిని రేపింది. టికెట్‌ దక్కని నాగం జనార్థనరెడ్డి కేసీఆర్‌ సమక్షంలో, జడ్చర్ల మాజీ ఎమ్మెల్యే ఎర్ర శేఖర్‌ కేటీఆర్‌ సమక్షంలో బీఆర్‌ఎస్‌లో చేరారు. వనపర్తిలో మెగారెడ్డికి మద్దతుగా ర్యాలీ జరిగింది; దేవరకద్ర అభ్యర్థి మార్పు కోరుతూ సోమవారం కార్యకర్తలు జిల్లా పార్టీ కార్యాలయంలో విధ్వంసం సృష్టించారు. ఇటీవల ఎమ్మెల్సీలు కసిరెడ్డి నారాయణరెడ్డి, కూచుకుళ్ల దామోదర్‌రెడ్డి కాంగ్రెస్‌లో చేరారు. సొంత జిల్లాలో వలసలు రేవంత్‌రెడ్డికి ఇబ్బందిగా మారాయి.