సీబీఎస్ఈ 12వ తరగతి ఫలితాలు విడుదల; ఉత్తీర్ణత 85.20 శాతం
సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్ఈ) 12వ తరగతి బోర్డు పరీక్ష ఫలితాలను బుధవారం ప్రకటించింది. విద్యార్థులు రోల్ నంబర్ ద్వారా అధికారిక వెబ్‌సైట్, డిజిలాకర్, ఉమంగ్ యాప్‌లలో ఫలితాలు చూడవచ్చు. 2026 ఫిబ్రవరి 17 నుంచి ఏప్రిల్ 10 వరకు సైన్స్, కామర్స్, హ్యుమానిటీస్ విభాగాల్లో పరీక్షలు నిర్వహించారు. 17 లక్షల 68 వేల మందికి పైగా పరీక్షలు రాశారని, 15 లక్షల 7 వేల మందికి పైగా ఉత్తీర్ణులయ్యారని బోర్డు తెలిపింది. మొత్తం ఉత్తీర్ణత 85.20 శాతం. బాలికల ఉత్తీర్ణత 88.86 శాతం, బాలుర ఉత్తీర్ణత 82.13 శాతం.