మోదీ 25 ఏళ్ల పాలనా మైలురాయికి నైజీరియా అధ్యక్షుడి అభినందనలు
ప్రధానమంత్రి నరేంద్ర మోదీ ప్రభుత్వాధినేతగా 25 ఏళ్లు పూర్తి చేసుకున్న సందర్భంగా నైజీరియా అధ్యక్షుడు బోలా అహ్మద్ టినుబు అభినందనలు తెలిపారు. 2001లో గుజరాత్ ముఖ్యమంత్రిగా బాధ్యతలు చేపట్టిన మోదీ, పన్నెండేళ్లకు పైగా గుజరాత్‌లో పనిచేసి 2014 నుంచి భారత ప్రధానిగా కొనసాగుతున్నారని ఆయన పేర్కొన్నారు. 2024 నవంబర్‌లో మోదీ అబుజా పర్యటన సందర్భంగా 'గ్రాండ్ కమాండర్ ఆఫ్ ది ఆర్డర్ ఆఫ్ ది నైజర్' గౌరవం ఇచ్చిన విషయాన్ని గుర్తుచేసిన టినుబు, వాణిజ్యం, ఇంధనం, రక్షణ, ఆరోగ్యం, విద్య, సాంకేతిక రంగాల్లో సహకారం బలపడుతుందని ఆశాభావం వ్యక్తం చేశారు.