నవరాత్రి బ్రహ్మోత్సవాల రూ.300 దర్శన కోటా నేడు విడుదల
తిరుమల శ్రీవారి నవరాత్రి బ్రహ్మోత్సవాలకు సంబంధించిన రూ.300 ప్రత్యేక ప్రవేశ దర్శన టికెట్ల కోటాను టీటీడీ బుధవారం విడుదల చేయనుంది. అక్టోబరు నెలకు రూ.300 దర్శన టికెట్లను ఇప్పటికే ఆన్‌లైన్‌ ద్వారా విడుదల చేసినప్పటికీ, 12, 13, 14, 18, 19, 20వ తేదీలకు సంబంధించిన కోటాను హోల్డ్‌లో ఉంచింది. బ్రహ్మోత్సవాలు సమీపిస్తున్న నేపథ్యంలో ఈ తేదీల కోటాను అక్టోబరు 7న ఉదయం 10 గంటలకు ఆన్‌లైన్‌ ద్వారా విడుదల చేసేందుకు టీటీడీ సిద్ధమైంది.