సిరిసిల్లలో ఇండియా కూటమి నిరసన, సీఈసీ దిష్టిబొమ్మ దహనం
సిరిసిల్ల జిల్లా కేంద్రంలో ఇండియా కూటమి అఖిలపక్షం ఆధ్వర్యంలో నిరసన ర్యాలీ జరిగింది. సీఈసీ జ్ఞానేశ్వర్ రాజీనామా చేయాలని డిమాండ్ చేస్తూ కాంగ్రెస్, సీపీఐ, సీపీఎం, తెలంగాణ జన సమితి నాయకులు ఆర్డీవో కార్యాలయం నుంచి గాంధీ చౌక్ వరకు ర్యాలీ నిర్వహించి, అక్కడ సీఈసీ దిష్టిబొమ్మను దహనం చేశారు. అమిత్ షా, ప్రధాని మోడీలపై చట్టపరమైన చర్యలు తీసుకోవాలని కోరారు. తెలంగాణలో ఓట్లను తొలగించి బీజేపీ అధికారంలోకి రావడానికి ప్రయత్నాలు జరుగుతున్నాయని ఆరోపించారు. ప్రజాస్వామ్యాన్ని కాపాడేందుకు ఐక్యంగా పోరాడాలని పిలుపునిచ్చారు.