రూ.లక్ష లంచం తీసుకుంటూ ఏసీబీకి చిక్కిన రంగారెడ్డి డీఎంహెచ్‌ఓ
రంగారెడ్డి జిల్లా వైద్య ఆరోగ్య శాఖ అధికారి డాక్టర్ స్వర్ణకుమారి రూ.లక్ష లంచం తీసుకుంటూ ఏసీబీ అధికారులకు పట్టుబడినట్లు సమాచారం. రాజేంద్రనగర్ శివరాంపల్లిలోని డీఎంహెచ్‌ఓ కార్యాలయంలో సోమవారం (అక్టోబర్ 05) ఏసీబీ దాడులు చేసింది. లైసెన్స్ లేదని మూసివేసిన ఎల్‌బీనగర్‌లోని ఫిజియోథెరపీ ఆసుపత్రి తిరిగి తెరవడానికి రూ.2 లక్షలు డిమాండ్ చేశారని ఫిర్యాదు అందింది. మొదటి విడత రూ.లక్షను హెల్త్ ఇన్‌స్పెక్టర్ శ్రీనివాసరావు ద్వారా డ్రైవర్ కృష్ణయ్యకు అందజేశారు. స్వర్ణకుమారి, శ్రీనివాసరావును అదుపులోకి తీసుకున్నారు. కార్యాలయంలో సోదాలు కొనసాగుతున్నాయి.