సంగారెడ్డి జిల్లాలో వృద్ధ దంపతుల ఆత్మహత్య
సంగారెడ్డి జిల్లా నారాయణఖేడ్ మండలం చాప్తా (కె) గ్రామంలో బుధవారం ఉదయం వృద్ధ దంపతులు బావిలో దూకి ఆత్మహత్య చేసుకున్నారు. నారాయణఖేడ్ సీఐ శ్రీనివాస్ రెడ్డి ప్రకారం, మృతులు ముంగె నర్సారెడ్డి (88), అంజమ్మ (85). వీరికి సిద్దారెడ్డి, కిష్టారెడ్డి, సంగారెడ్డి అనే మూడుగురు కుమారులు. సుమారు 22 ఎకరాల భూమి, ఇంటిని కుమారులకు పంచిన తర్వాత ఆదరణ లభించక బంధువుల ఇంట్లో ఉన్నారు. జీవనోపాధి కోసం రెండు ఎకరాలను తన పేరిట తిరిగి రిజిస్టర్ చేయాలని అధికారులను కోరినా ఫలితం లేదు. మనవడు ముంగె మారుతిరెడ్డి ఫిర్యాదుతో కేసు నమోదైంది.