అక్టోబర్, నవంబర్‌లో స్థానిక సంస్థల ఎన్నికలు: మంత్రి దుర్గేశ్
రాష్ట్రంలో అక్టోబర్, నవంబర్ నెలల్లో మున్సిపాలిటీ, జడ్పీటీసీ, ఎంపీటీసీ, పంచాయతీ ఎన్నికలు వరుసగా నిర్వహిస్తామని పర్యాటక శాఖ మంత్రి కందుల లక్ష్మీ దుర్గేశ్ తెలిపారు. అక్టోబర్‌లోనే నోటిఫికేషన్ విడుదలవుతుందని, నవంబర్‌లోగా ప్రక్రియ పూర్తి కాకపోతే కేంద్రం నుంచి రావాల్సిన 16వ ఆర్థిక సంఘం నిధులు నిలిచిపోయే ప్రమాదం ఉందని ఆయన అన్నారు. తూర్పుగోదావరి జిల్లా నిడదవోలు నియోజకవర్గంలో రూ.28.89 కోట్లతో 417 కిలోమీటర్ల రహదారుల పనులకు ఆయన శంకుస్థాపన చేశారు. కూటమి అభ్యర్థులను గెలిపిస్తే అభివృద్ధి, సంక్షేమం కింది స్థాయికి చేరుతాయని పేర్కొన్నారు.