సీబీఐ మాజీ డైరెక్టర్ నాగేశ్వరరావు కొత్త పార్టీ ప్రకటన
సీబీఐ మాజీ డైరెక్టర్ ఎం. నాగేశ్వరరావు రాజకీయ రంగ ప్రవేశం చేశారు. శనివారం వారణాసిలో జరిగిన విలేకరుల సమావేశంలో 'సర్వజన్ సనాతన్ పార్టీ' ఏర్పాటును ప్రకటించారు. ఉత్తరప్రదేశ్‌లోని మొత్తం 403 స్థానాల్లో పార్టీ పోటీ చేస్తుందని చెప్పారు. సనాతన సంస్కృతి పరిరక్షణ, విద్య, వైద్యం తన రాజకీయ ప్రాతిపదిక అన్నారు. తాను ఎప్పుడూ ఎన్నికల్లో పోటీ చేయబోనని స్పష్టం చేశారు. బీజేపీ, ఆర్‌ఎస్‌ఎస్ ప్రతిపక్షంలో ఉన్నప్పుడే సనాతనం గురించి మాట్లాడతాయని ఆరోపించారు. ఆయన 1986 బ్యాచ్ ఒడిశా కేడర్ ఐపీఎస్ అధికారి.