రవాణా శాఖ ఆన్‌లైన్ సమస్యలు పరిష్కరించాలని సీఐటీయూ డిమాండ్
రవాణా శాఖ ఆన్‌లైన్ సేవల్లో డ్రైవర్లు, వాహన యజమానులు, రైతులు ఎదుర్కొంటున్న సమస్యలను తక్షణమే పరిష్కరించాలని సీఐటీయూ డ్రైవర్స్ యూనియన్ డిమాండ్ చేసింది. తిరుపతి జిల్లా రవాణా శాఖ అధికారులకు వినతిపత్రం సమర్పించింది. లైసెన్స్ రెన్యువల్, హెవీ వాహనాల ఐఐఆర్, నేమ్ ట్రాన్స్‌ఫర్, హైపోథికేషన్ రద్దు, హెచ్‌ఎస్‌ఆర్‌పీ క్యూఆర్ కోడ్, కండక్టర్ లైసెన్స్, ట్రాక్టర్–ట్రైలర్ ఎఫ్‌సీ సేవల్లో సాంకేతిక సమస్యలు ఉన్నాయని జిల్లా ప్రధాన కార్యదర్శి కాంజేరి సెల్వరాజు తెలిపారు. ప్రతి ఆర్టీఓ కార్యాలయంలో ప్రత్యేక హెల్ప్‌డెస్క్ ఏర్పాటు చేయాలని కోరారు.