సీఈసీని తొలగించాలి, ఎస్‌ఐఆర్ నిలిపివేయాలి: కోట గోపి
కేంద్ర ఎన్నికల ప్రధాన కమిషనర్ జ్ఞానేశ్ కుమార్‌ను తక్షణమే పదవి నుంచి తొలగించాలని, ప్రత్యేక సమగ్ర ఓటర్ల సవరణ (ఎస్‌ఐఆర్) ప్రక్రియను నిలిపివేయాలని సీపీఎం జిల్లా కార్యదర్శివర్గ సభ్యులు కోట గోపి డిమాండ్ చేశారు. సూర్యాపేట జిల్లా మద్దిరాల మండల కేంద్రంలో శుక్రవారం విలేకరుల సమావేశంలో ఆయన మాట్లాడారు. కమిషన్‌లో ఏకపక్ష నిర్ణయాలు తీసుకుంటున్నారని, ఎస్‌ఐఆర్ వల్ల కోట్లాది మంది ఓటు హక్కుపై ప్రభావం పడుతుందని ఆరోపించారు. బీహార్, పశ్చిమ బెంగాల్‌లో అర్హుల పేర్లు తొలగించారని పేర్కొన్నారు.