మోదీ ఏఐ మార్ఫ్ వీడియోలు: మెటా ఇండియా హెడ్‌పై ఎఫ్‌ఐఆర్
ప్రధాని నరేంద్ర మోదీకి సంబంధించిన ఏఐ ద్వారా సృష్టించిన మార్ఫ్ వీడియోలు సోషల్ మీడియాలో ప్రసారమైన ఘటనలో మెటా ఇండియా హెడ్ అరుణ్ శ్రీనివాస్, మరికొందరు యూజర్లపై హైదరాబాద్ సైబర్ క్రైమ్ పోలీసులు ఎఫ్‌ఐఆర్ నమోదు చేశారు. ఫేస్‌బుక్, ఇన్‌స్టాగ్రామ్‌లలో ఈ వీడియోలు విస్తృతంగా వ్యాపించాయని పోలీసు వర్గాలు తెలిపాయి. భారతీయ న్యాయ సంహిత, ఐటీ చట్టం ఉల్లంఘనలపై దర్యాప్తు జరుగుతోంది. సమన్లు జారీ చేసిన కొన్ని రోజులకే కేసు నమోదైంది; మెటా ప్రతినిధి ఒకరు అధికారుల ఎదుట హాజరై కంటెంట్ మోడరేషన్ చర్యలను వివరించారు. దర్యాప్తు ప్రాథమిక దశలోనే ఉందని పోలీసులు చెప్పారు.