పుంగనూరుకు తాగునీరు ఇవ్వాలని ఎంపీ మిథున్ రెడ్డి డిమాండ్
పుంగనూరు, మదనపల్లి సమ్మర్ స్టోరేజ్ ట్యాంకులను ప్రభుత్వం తక్షణమే నీటితో నింపాలని ఎంపీ మిథున్ రెడ్డి డిమాండ్ చేశారు. జగన్మోహన్ రెడ్డి సీఎంగా ఉన్న ఐదేళ్లు పుంగనూరు, మదనపల్లి, పలమనేరు, కుప్పంకు నీరు ఇచ్చారని, ఎల్ నినో ప్రభావంతో ఈ మండలాలను ప్రభుత్వం కరువు మండలాలుగా ప్రకటించిందని ఆయన తెలిపారు. పుంగనూరు సమ్మర్ స్టోరేజ్ ట్యాంక్ ఖాళీగా ఉన్నా, పోలీసు రక్షణతో కృష్ణా, హంద్రీనీవా జలాలను పక్క మండలాలకు తరలిస్తున్నారని ఆరోపించారు. టీడీపీ వివక్ష చూపుతోందని, సాగునీరు కాదు తాగునీరు అడుగుతున్నామని చెప్పారు.