నేటి నుంచి వైద్య ఆరోగ్యశాఖ ఒప్పంద ఉద్యోగుల సమ్మె
ఆంధ్రప్రదేశ్‌లో వైద్య ఆరోగ్యశాఖ ఒప్పంద ఉద్యోగులు ఈ నెల 7 నుంచి రాష్ట్రవ్యాప్తంగా సమ్మెకు దిగుతున్నారు. 14,600 మంది సిబ్బంది పాల్గొంటారని, మంగళవారం అత్యవసర సేవలు మినహా మిగిలిన సేవలన్నీ బహిష్కరిస్తామని ఏపీఎంహెచ్‌సీఈ జేఏసీ ఛైర్మన్‌ జి.కోటేశ్వరరావు, కన్వీనర్‌ ఎం.అజయ్‌కుమార్‌ ప్రకటించారు. కమిషనర్లు వీరపాండియన్, చక్రధర్‌బాబుతో సోమవారం సచివాలయంలో జరిగిన చర్చలు ఫలించలేదన్నారు. 100% గ్రాస్‌ వేతనం, క్రమబద్ధీకరణ, ఉద్యోగ భద్రత, ఆరోగ్య, శిశు సంరక్షణ సెలవులు, పరిహారం పెంపు తమ డిమాండ్లని తెలిపారు.