ఇండొనేషియా హలాల్ నిబంధనలు ఎగుమతిదారులకు భారం: జీటీఆర్‌ఐ
ఇండొనేషియా ఈనెల 17 నుంచి అమల్లోకి తెచ్చే తప్పనిసరి హలాల్ ధ్రువీకరణ నిబంధనలతో భారతీయ ఎగుమతిదారులపై అమలు భారం, సర్టిఫికేషన్ వ్యయాలు పెరుగుతాయని జీటీఆర్‌ఐ తెలిపింది. ఆహారం, పానీయాలు, వ్యవసాయ ఉత్పత్తులు, ఔషధాలు, రసాయనాలు, కాస్మొటిక్స్‌కు ఇది వర్తిస్తుంది. స్వీయ ధ్రువీకరణలు చెల్లవు; బీపీజేపీహెచ్‌తో పరస్పర గుర్తింపు ఉన్న సంస్థల సర్టిఫికెట్, సిహలాల్ పోర్టల్‌లో నమోదు తప్పనిసరి. గడువు లోగా పూర్తి చేయకపోతే సరుకు నిలిచిపోవడం, తిరస్కరణ, రీకాల్ తప్పవు. భారత్ ఎగుమతులు 5.38 బి.డాలర్ల నుంచి 16.52% తగ్గి 4.49 బి.డాలర్లకు చేరాయి.