జాబ్ ట్రైనీ వైద్యులకు పీజీ కోర్సులకు అనుమతి: హిమాచల్ సీఎం
జాబ్ ట్రైనీ వైద్యులు పీజీ కోర్సులు చదువుకునేందుకు అనుమతి ఇవ్వాలని హిమాచల్ ప్రదేశ్ ముఖ్యమంత్రి సుఖ్విందర్ సింగ్ సుఖు ఆరోగ్య శాఖను ఆదేశించారు. సూపర్ స్పెషాలిటీ కోర్సులకూ అనుమతి ఇస్తామని, వారు రాష్ట్రానికి తిరిగి వచ్చి సేవలు అందించేలా బాండ్ కాలవ్యవధి, మొత్తాన్ని పెంచుతామని చెప్పారు. వైద్య విద్యార్థులను విదేశాలకు పంపే యోచనలో ఉన్నామన్నారు. ఎంఆర్‌ఐ, సీటీ స్కాన్, ఎక్స్‌రే, అల్ట్రాసౌండ్ పరీక్షల డేటాను అక్టోబర్ 20 నాటికి డిజిటలీకరించాలని ఆదేశించారు. ప్రభుత్వ వైద్య కళాశాలల్లో సెంటర్స్ ఆఫ్ ఎక్సలెన్స్ ఏర్పాటుపై నిపుణుల కమిటీని నియమించారు.