నెల్లూరు బీపీసీఎల్ రిఫైనరీకి పర్యావరణ అనుమతికి సిఫారసు
ఆంధ్రప్రదేశ్‌లోని నెల్లూరు జిల్లాలో భారత్ పెట్రోలియం కార్పొరేషన్ లిమిటెడ్ (బీపీసీఎల్) ప్రతిపాదించిన గ్రీన్‌ఫీల్డ్ రిఫైనరీ, పెట్రోకెమికల్ కాంప్లెక్స్‌కు పర్యావరణ, తీర ప్రాంత నియంత్రణ మండలి (సీఆర్‌జెడ్) అనుమతులు లభించాయి. కేంద్ర పర్యావరణ, అటవీ, వాతావరణ మార్పుల మంత్రిత్వ శాఖ (ఎంఓఈఎఫ్‌సీసీ) పరిధిలోని నిపుణుల మదింపు కమిటీ (ఈఏసీ) రూ.1.03 లక్షల కోట్ల విలువైన ఈ ప్రాజెక్టుకు అనుమతులను సిఫారసు చేసింది. దీంతో నిర్మాణ పనులు ప్రారంభానికి మార్గం సుగమమైంది. 5,200 ఎకరాల్లో ఏర్పాటు కానున్న ఈ ప్రాజెక్టు సామర్థ్యం ఏటా 9 మిలియన్ టన్నులు. ఇందులో పెట్రోల్, డీజిల్, ఏటీఎఫ్ వంటి 54 లక్షల టన్నుల రవాణా ఇంధనాలు ఉంటాయి.