ఎల్‌బి నగర్ ఎసిపి కృష్ణయ్య సస్పెన్షన్‌కు డిజిపి ఆదేశాలు
మల్కాజ్‌గిరి కమిషనరేట్ పరిధిలోని ఎల్‌బి నగర్ ఎసిపిగా పనిచేస్తున్న కృష్ణయ్యను సస్పెండ్ చేస్తూ తెలంగాణ డిజిపి సివి ఆనంద్ ఆదేశాలు జారీ చేశారు. సివిల్ వివాదాల్లో తలదూర్చుతున్నారని, పలువురిని బెదిరింపులకు గురిచేశారని ఆరోపణలు వచ్చాయి. డిజిపి జరిపించిన విచారణలో ఆరోపణలు నిజమని తేలింది. ఈ విషయం తెలుసుకున్న కృష్ణయ్య అనారోగ్యం పేరుతో ఆస్పత్రిలో చేరి, మూడు రోజుల చికిత్స అనంతరం దీర్ఘకాలిక సెలవుపై వెళ్లారు. సోమవారం ఉదయం విధుల్లో చేరగానే సాయంత్రం సస్పెన్షన్ ఉత్తర్వులు వెలువడ్డాయి.