విజయనగరం జిల్లా మన్యంలో మండుటెండలు, 38 డిగ్రీల ఉష్ణోగ్రతలు
ఆర్నాబ్‌ తుఫాన్‌ తర్వాత విజయనగరం జిల్లాలో వాతావరణం మళ్లీ వేడెక్కింది. జిల్లావ్యాప్తంగా 36 నుంచి 38 డిగ్రీల ఉష్ణోగ్రతలు నమోదవుతున్నాయి. ఉదయం 8 నుంచి సాయంత్రం 4 గంటల వరకు ఎండ తీవ్రతతో ప్రజలు ఇబ్బంది పడుతున్నారు. మధ్యాహ్నం ప్రధాన కూడళ్లు, రహదారులు నిర్మానుష్యంగా మారుతున్నాయి. వ్యవసాయ కూలీలు ఉదయం 7 నుంచి 11 గంటల వరకే పని చేస్తున్నారు. తుఫాను తర్వాత వర్షాలు లేకపోవడం, తోటపల్లి ఎడమ ప్రధాన కాలువకు ఓని గ్రామం వద్ద గండి పడడంతో శివారు రైతులకు సాగునీరు అందడం లేదు.