చెన్నై పోర్టులో రూ.12 కోట్ల చైనా బాణసంచా స్వాధీనం
చెన్నై పోర్టులో అధికారులు భారీ స్థాయిలో బాణసంచాను సీజ్‌ చేశారు. హైదరాబాద్‌ జోనల్‌ డీఆర్‌ఐ, ఇంటెలిజెన్స్‌ విభాగం సంయుక్త ఆపరేషన్‌ చేపట్టి రూ.12 కోట్ల విలువైన చైనా బాణసంచాను స్వాధీనం చేసుకున్నాయి. స్టేషనరీ, మెడికల్‌ గ్లౌజులు, ప్లాస్టిక్‌ క్లిప్స్‌, వార్డ్‌రోబ్స్‌ పేరిట చైనా నుంచి ఈ సరకును అక్రమంగా దిగుమతి చేస్తున్నట్లు అధికారులు గుర్తించారు. వ్యాపారులు తప్పుడు డిక్లరేషన్‌ ఇచ్చి తీసుకొచ్చినట్లు నిర్ధారించారు. నిందితులను అదుపులోకి తీసుకుని ప్రశ్నిస్తున్నారు.