అయిజ, గద్వాలలో నివాస అనుమతులతో వాణిజ్య భవనాలు
జోగులాంబ గద్వాల జిల్లాలోని గద్వాల, అయిజ, వడ్డేపల్లి, అలంపూర్ పురపాలికల్లో గృహ నిర్మాణాల పేరుతో అనుమతులు తీసుకొని వ్యాపార సముదాయాలు నిర్వహిస్తున్న ఘటనలు పెరుగుతున్నాయి. నాలుగు పట్టణాల్లో కలిపి 4,170 వ్యాపార భవనాలు ఉన్నాయి. జిల్లా వ్యాప్తంగా 4 వేలకుపైగా భవనాలు వాణిజ్య కార్యకలాపాలకు వినియోగిస్తుండగా, అనుమతి ఉన్నవి సగం కూడా లేవని సమాచారం. సీడీఎంఏ ఆదేశాలతో అయిజలో 13 మంది యజమానులకు నోటీసులు జారీ చేశారు. నివాస ప్రాంతాల్లో వాణిజ్య కార్యకలాపాలు కనిపిస్తే ప్రాంగణాన్ని సీజ్ చేయాలని సుప్రీం కోర్టు ఆదేశించింది.