వికారాబాద్ కలెక్టరేట్‌లో పోషణ మాహ్–2026 కార్యక్రమం
వికారాబాద్ జిల్లా కలెక్టరేట్‌లో పోషణ మాహ్–2026 కార్యక్రమాన్ని కలెక్టర్ దీపక్ తేవారి, ఐఏఎస్ ఆధ్వర్యంలో నిర్వహించారు. “మన అంగన్‌వాడీ – మన బాధ్యత” సందేశంతో మహిళలు, గర్భిణీలు, బాలింతలు, చిన్నారులు, బాలికలకు పోషకాహారం, ఆరోగ్యం, పరిశుభ్రతపై అవగాహన కల్పించారు. స్థానిక ధాన్యాలు, పప్పులు, ఆకుకూరలు, పండ్లు, చిరుధాన్యాలతో ప్రదర్శన ఏర్పాటు చేసి పోషక విలువలు వివరించారు. టీకాలు, హాట్ కుక్డ్ మీల్స్, గ్రోత్ మానిటరింగ్ సేవల ప్రాముఖ్యతను తెలిపారు. జిల్లా సంక్షేమ అధికారి, మహిళా శిశు సంక్షేమ శాఖ ఆధ్వర్యంలో దీన్ని నిర్వహించారు.