ఏపీలో వర్షాలు: వచ్చే వారం తుఫాన్ ఏర్పడే అవకాశం, ఎల్లో అలర్ట్
ఆంధ్రప్రదేశ్‌లో పలు ప్రాంతాల్లో మోస్తరు నుంచి భారీ వర్షాలు కురిసే అవకాశం ఉందని భారత వాతావరణ విభాగం తెలిపింది. ఉరుములు, మెరుపులతో గంటకు 40-50 కిలోమీటర్ల వేగంతో ఈదురుగాలులు వీచవచ్చని పేర్కొంది. బంగాళాఖాతంలో అక్టోబర్ 12న ఉపరితల ఆవర్తనం ఏర్పడి, 13న అల్పపీడనంగా మారి తుఫాన్‌గా బలపడే అవకాశం ఉందని విశాఖ వాతావరణ విభాగం అంచనా వేసింది. ఇవాళ కృష్ణా, అన్నమయ్య, చిత్తూరు, కడప, శ్రీ సత్యసాయి జిల్లాల్లో వర్షాలు కురుస్తాయని, ప్రకాశం, నెల్లూరు, అనంతపురం జిల్లాలకు ఎల్లో అలర్ట్ జారీ చేసినట్టు ఏపీఎస్‌డీఎంఏ తెలిపింది.