భార్య కాపురానికి రావడం లేదని విద్యుత్తు టవర్‌ ఎక్కిన యువకుడు
భార్య కాపురానికి రావడం లేదని ఒక యువకుడు విద్యుత్తు టవర్‌ ఎక్కిన ఘటన వరంగల్‌ జిల్లా రాయపర్తి మండలం కొలన్‌పల్లి గ్రామ శివారులో జరిగింది. పాలకుర్తి మండలం గూడురు శివారు నర్సింగపురం తండాకు చెందిన భూక్య రవికి ఏడేళ్ల క్రితం రాయపర్తి మండలం జింక్‌రాంతండా యువతితో వివాహమైంది. వారికి ఏడు నెలల బాబు ఉన్నాడు. భార్యను పంపే విషయంలో అత్తింటి వారు ఇబ్బంది పెడుతున్నారని, నెల రోజుల క్రితం గొడవపడి భార్యను తీసుకెళ్లారని ఆరోపించాడు. రెండు గంటల ఉద్రిక్తత అనంతరం పోలీసులు నచ్చజెప్పి కిందకు దింపి, పాలకుర్తి స్టేషన్‌లో కౌన్సెలింగ్‌ ఇచ్చారు.