భారత ఆర్థిక వ్యవస్థ పటిష్ఠం: టాటా సన్స్ చైర్మన్ చంద్రశేఖరన్
అనిశ్చిత, క్లిష్ట ప్రపంచ పరిస్థితుల్లోనూ భారత ఆర్థిక వ్యవస్థ పటిష్ఠంగా ఉందని, దేశం స్థిరమైన స్థితిలో ఉందని టాటా సన్స్ చైర్మన్ ఎన్ చంద్రశేఖరన్ సోమవారం చెప్పారు. ఐఎఫ్‌క్యూఎం సింపోజియం 2026లో మాట్లాడుతూ, దీర్ఘకాలిక వృద్ధికి ఇంధన భద్రత, అధునాతన తయారీ ఉద్యోగాలు, మానవ వనరులపై పెట్టుబడులు కీలకమని అన్నారు. బలమైన దేశీయ డిమాండ్, సేవల ఎగుమతులు, జీడీపీలో ఒక శాతం కంటే తక్కువ కరెంట్ ఖాతా లోటు, తక్కువ బ్యాంక్ ఎన్‌పీఏలు వృద్ధికి ఆధారమన్నారు. అసెంబ్లీ ఆధారిత వృద్ధి నుంచి సంపూర్ణ దేశీయ సామర్థ్యం వైపు మళ్లాలని సూచించారు.